Jurnalist Sasha Tavolyeri ma’lumotiga ko‘ra, "Monako" "Komo" yarim himoyachisi Maksim Kakereni o‘z safiga qo‘shib olishga qiziqish bildirmoqda.

Knyazlik klubi ayni paytda yarim himoya chizig‘ini kuchaytirish variantlarini ko‘rib chiqmoqda. Bunga Pol Pogbaning shartnomasini bekor qilish arafasida ekani, shuningdek jamoaning muhim futbolchilaridan biri Lamin Kamaraning ketishi mumkinligi sabab bo‘lmoqda.

Manbaga ko‘ra, "Monako" avval "Lion"da to‘p surgan Kakereni asosiy nomzodlardan biri sifatida belgilab olgan. Klub futbolchining yozgi transferi imkoniyatlarini muhokama qilish uchun dastlabki muloqotlarni ham o‘tkazgan.

26 yoshli fransuz yarim himoyachisi o‘tgan yili "Komo"ga o‘tganidan so‘ng jamoaning muhim futbolchilaridan biriga aylandi. U klubning o‘tgan mavsum A Seriyada kuchli to‘rtlikdan joy olishi va tarixda ilk bor Chempionlar ligasi yo‘llanmasini qo‘lga kiritishida katta hissa qo‘shdi.

Kakerening "Komo" bilan amaldagi shartnomasi 2029 yilga qadar mo‘ljallangan. Shu sababli transfer muzokaralarida Italiya klubining pozisiyasi ancha mustahkam hisoblanadi.