Londonning "Chelsi" klubi bosh murabbiyi Tosin Adarabioyoga ishonch bildirmayapti. Bu haqda insayder Nikolo Skira xabar bermoqda.

Manbaning ma’lumotiga ko‘ra, Adarabioyo joriy yozda "Chelsi"ni tark etishga tayyor. So‘nggi kunlarda futbolchiga A Seriya vakillaridan ikkita taklif tushgan, ammo yuqori maosh asosiy muammoga aylanmoqda. U Londonda yiliga 6 million yevro oladi, bu esa Italiya klublari uchun juda katta mablag‘dir.

O‘tgan mavsumda 28 yoshli Adarabioyo barcha turnirlarni hisobga olgan holda 29 ta o‘yinda maydonga tushib, 2 ta gol muallifiga aylangan.

Himoyachining "Chelsi" bilan amaldagi shartnomasi 2028 yilgacha mo‘ljallangan. Transfermarkt mutaxassislari futbolchining transfer qiymatini 16 million yevroga baholamoqda.