«Chelsi» hujumchisi Nikolas Jekson faoliyatini «Barselona»da davom ettirishi mumkin. Bu haqda britan insayderlari xabar bermoqda.

Mashhur agent Ali Barat hujumchi qidirayotgan Kataloniya klubiga senegallik futbolchi xizmatlarini taklif qildi. «Chelsi» o‘z o‘yinchisining transferidan 70 million yevro ishlab olmoqchi.

Shu bilan birga, «Barselona» sport direktori Deku va Ali Barat o‘rtasida yaxshi munosabatlar mavjud bo‘lib, ular doimiy aloqada bo‘lib turishibdi. Biroq «ko‘k-anorranglilar» uchun transfer narxi haddan tashqari yuqoriligi sababli Jekson faqat zaxira varianti hisoblanadi. «Barselona» senegallik forvardni sotib olishga faqat «Atletiko»dan Xulian Alvares transferi amalga oshmay qolgan taqdirdagina jiddiy kirishishi mumkin.