«Челси» ҳужумчиси Николас Жексон фаолиятини «Барселона»да давом эттириши мумкин. Бу ҳақда британ инсайдерлари хабар бермоқда.

Машҳур агент Али Барат ҳужумчи қидираётган Каталония клубига сенегаллик футболчи хизматларини таклиф қилди. «Челси» ўз ўйинчисининг трансферидан 70 миллион евро ишлаб олмоқчи.

Шу билан бирга, «Барселона» спорт директори Деку ва Али Барат ўртасида яхши муносабатлар мавжуд бўлиб, улар доимий алоқада бўлиб туришибди. Бироқ «кўк-анорранглилар» учун трансфер нархи ҳаддан ташқари юқорилиги сабабли Жексон фақат захира варианти ҳисобланади. «Барселона» сенегаллик форвардни сотиб олишга фақат «Атлетико»дан Хулиан Альварес трансфери амалга ошмай қолган тақдирдагина жиддий киришиши мумкин.