"Borussiya Dortmund" "Barselona" himoyachisi Ektor Fortga jiddiy qiziqish bildirmoqda. Sky Sport Germany ma’lumotiga ko‘ra, futbolchining o‘zi ham Germaniya klubiga o‘tish variantiga ijobiy qaramoqda.
"Dortmund" va "Barselona" o‘rtasida to‘g‘ridan to‘g‘ri muzokaralar allaqachon boshlangan. Nemis klubi 20 yoshli o‘ng qanot himoyachisini ijaraga olishni afzal ko‘rmoqda va transferni yakunlash ustida faol ishlayapti.
Fort o‘tgan mavsumni ijara asosida "Elche"da o‘tkazgan. U "Barselona" bilan 2029 yilgacha shartnomaga ega.
Hozircha yakuniy qaror qabul qilinmagan, ammo Fort "Dortmund"ning o‘ng qanot himoyasini kuchaytirish uchun asosiy nomzodlaridan biri hisoblanadi.
