"Manchester Yunayted" sobiq hujumchisi Maykl Ouen klubning transfer siyosatini tanqid qilib, Joau Pedroni hali "Uotford"da o‘ynagan paytidayoq sotib olish kerak bo‘lganini aytdi.
"Manchester Yunayted" uni taxminan to‘rt yil oldin, "Uotford"da o‘ynayotganida xarid qilishi kerak edi. Klub bir necha yil davomida hujum markazida muammoga duch keldi, men esa Pedroni doim yoqtirganman", — dedi Ouen The Good, The Bad & The Football podkastida.
Joau Pedro o‘tgan yili "Brayton"dan "Chelsi"ga 60 mln funt evaziga o‘tgan va debyut mavsumida barcha musobaqalarda 20 ta gol urgan.
Ouen, shuningdek, Pedro, Morgan Rojers va Koul Palmerdan iborat hujum uchligini yuqori baholadi.
Ma’lumotlarga ko‘ra, "Chelsi" hozirda braziliyalik futbolchini jamoaning asosiy o‘yinchilaridan biri deb hisoblaydi va yaqinda "Arsenal"ning uni 100 mln yevroga sotib olish bo‘yicha taklifini rad etgan.
