"Манчестер Юнайтед" собиқ ҳужумчиси Майкл Оуэн клубнинг трансфер сиёсатини танқид қилиб, Жоау Педрони ҳали "Уотфорд"да ўйнаган пайтидаёқ сотиб олиш керак бўлганини айтди.
"Манчестер Юнайтед" уни тахминан тўрт йил олдин, "Уотфорд"да ўйнаётганида харид қилиши керак эди. Клуб бир неча йил давомида ҳужум марказида муаммога дуч келди, мен эса Педрони доим ёқтирганман", — деди Оуэн The Good, The Bad & The Football подкастида.
Жоау Педро ўтган йили "Брайтон"дан "Челси"га 60 млн фунт эвазига ўтган ва дебют мавсумида барча мусобақаларда 20 та гол урган.
Оуэн, шунингдек, Педро, Морган Рожерс ва Коул Палмердан иборат ҳужум учлигини юқори баҳолади.
Маълумотларга кўра, "Челси" ҳозирда бразилиялик футболчини жамоанинг асосий ўйинчиларидан бири деб ҳисоблайди ва яқинда "Арсенал"нинг уни 100 млн еврога сотиб олиш бўйича таклифини рад этган.
