"Arsenal" hujumchisi Viktor Dyokereshni bu yozda sotishni rejalashtirmayapti. So‘nggi kunlarda futbolchining "Barselona"ga o‘tishi mumkinligi haqida xabarlar tarqalgan edi.
Kataloniyaliklar "Atletiko" hujumchisi Xulian Alvares transferida qiyinchiliklarga duch kelayotgani sabab boshqa variantlarni ham ko‘rib chiqmoqda. Ammo hozircha "Barselona" va "Arsenal" o‘rtasida Dyokeresh bo‘yicha faol muzokaralar yo‘q.
Manbaga ko‘ra, Mikel Arteta jamoasi shved futbolchisini sotish masalasini faqat juda katta taklif tushgan taqdirdagina ko‘rib chiqishi mumkin.
Dyokeresh "Arsenal"dagi debyut mavsumida barcha musobaqalarda 21 ta gol urdi va 5 ta golli uzatma berdi.
Qizig‘i, "Arsenal"ning o‘zi ham Xulian Alvaresga qiziqmoqda. Biroq argentinalik hujumchi hozircha Angliyaga qaytish niyatida emas.
