«Real» bosh murabbiyi Joze Mourinyo jamoa hujumchisi Vinisius Juniorni himoya qilib, muxlislarning braziliyalik futbolchiga bo‘lgan munosabatini tanqid qildi.

«Vinisiusga hurmat bilan munosabatda bo‘lishmayapti. Nega u sizga hech narsa qilmagan bo‘lsa-da, dunyoning eng yaxshi futbolchilaridan birini to‘pga ilk teginishidanoq hushtakbozlik bilan qarshi olish kerak? Uning o‘yinini tomosha qilishning o‘zi — imtiyoz.

Vinisius “Real”ni juda yaxshi ko‘radi! Men unga: “Vini, qayerga ketmoqchisan? Sen faqat "Real"ni bilasan. Ketganingdan keyingina "Real" nima ekanini tushunasan. Ketma. Bunga arzimaydi”, dedim», — deya Mourinyoning so‘zlarini El Chiringuito TV keltiradi.

26 yoshli braziliyalik futbolchining «Real» bilan amaldagi shartnomasi 2032 yilga qadar mo‘ljallangan. Transfermarkt portali uning bozor qiymatini 140 million yevroga baholamoqda.

2025/26 yilgi mavsumda Vinisius barcha musobaqalar doirasida 53 ta o‘yinda maydonga tushib, 22 ta gol urdi va 14 ta golli uzatmani amalga oshirdi. 2026 yilgi jahon chempionatida esa u 5 ta uchrashuvda 4 ta gol va 1 ta assist qayd etdi.