«Bornmut» markaziy yarim himoyachisi Aleks Skott faoliyatini «Manchester Siti»da davom ettirishi mumkin.

Insayder Nikolo Skira ma’lumotiga ko‘ra, «shaharliklar» 22 yoshli angliyalik futbolchini o‘z safiga qo‘shib olishga qiziqish bildirmoqda. Manbaning ta’kidlashicha, Angliya vise-chempioni Skottning ehtimoliy transferi bo‘yicha «Bornmut» bilan muzokaralarni boshlab yuborgan.

«Bornmut» Skottni 2023 yilda «Bristol Siti»dan 23 mln yevro evaziga xarid qilgan edi. Ayni paytda Transfermarkt portali futbolchining bozor qiymatini 50 mln yevro deb baholamoqda.

O‘tgan mavsumda yarim himoyachi barcha musobaqalar doirasida 39 ta uchrashuvda maydonga tushib, 4 ta gol urdi va 1 ta golli uzatmani amalga oshirdi.