«Борнмут» марказий ярим ҳимоячиси Алекс Скотт фаолиятини «Манчестер Сити»да давом эттириши мумкин.
Инсайдер Николо Скира маълумотига кўра, «шаҳарликлар» 22 ёшли англиялик футболчини ўз сафига қўшиб олишга қизиқиш билдирмоқда. Манбанинг таъкидлашича, Англия вице-чемпиони Скоттнинг эҳтимолий трансфери бўйича «Борнмут» билан музокараларни бошлаб юборган.
«Борнмут» Скоттни 2023 йилда «Бристоль Сити»дан 23 млн евро эвазига харид қилган эди. Айни пайтда Transfermarkt портали футболчининг бозор қийматини 50 млн евро деб баҳоламоқда.
Ўтган мавсумда ярим ҳимоячи барча мусобақалар доирасида 39 та учрашувда майдонга тушиб, 4 та гол урди ва 1 та голли узатмани амалга оширди.
