«Yuventus» darvozaboni Mikele di Gregorio yangi jamoaga o‘tishga tayyorlanmoqda. 29 yoshli futbolchi «Marsel» taklifiga rozilik bergan. Bu haqda insayder Nikolo Skira xabar berdi.
Fransiya klubi italiyalik golkiperni mavsum yakuniga qadar ijaraga olish niyatida. Ayni paytda «Yuventus» bilan muzokaralar davom etmoqda.
Qayd etilishicha, «Marsel» ijara muddati davomida darvozabon maoshining bir qismini Turin klubi to‘lab berishini istamoqda.
Mikele di Gregorio 2024 yildan buyon «Yuventus» safida to‘p tepib kelmoqda. Uning klub bilan amaldagi shartnomasi 2028/29 yilgi mavsum yakuniga qadar mo‘ljallangan.
Yaqinda «byankoneri» Gulyelmo Vikario transferini rasman e’lon qildi. Kutilishicha, u yangi mavsumda Luchano Spalletti jamoasining asosiy darvozaboniga aylanadi.
