«Ювентус» дарвозабони Микеле ди Грегорио янги жамоага ўтишга тайёрланмоқда. 29 ёшли футболчи «Марсель» таклифига розилик берган. Бу ҳақда инсайдер Николо Скира хабар берди.
Франция клуби италиялик голкиперни мавсум якунига қадар ижарага олиш ниятида. Айни пайтда «Ювентус» билан музокаралар давом этмоқда.
Қайд этилишича, «Марсель» ижара муддати давомида дарвозабон маошининг бир қисмини Турин клуби тўлаб беришини истамоқда.
Микеле ди Грегорио 2024 йилдан буён «Ювентус» сафида тўп тепиб келмоқда. Унинг клуб билан амалдаги шартномаси 2028/29 йилги мавсум якунига қадар мўлжалланган.
Яқинда «бьянконери» Гульелмо Викарио трансферини расман эълон қилди. Кутилишича, у янги мавсумда Лучано Спаллетти жамоасининг асосий дарвозабонига айланади.
