«Manchester Yunayted» va Brunu Fernandesh hozircha yangi shartnoma shartlari bo‘yicha kelishuvga erisha olmadi.

Jurnalist Sasha Tavolyeri ma’lumotiga ko‘ra, 31 yoshli portugaliyalik futbolchi «qizil iblislar»ning so‘nggi taklifini rad etgan. Klub uning hozirgi maoshini yiliga 500 ming yevroga oshirishga tayyor bo‘lgan, ammo bu shartlar Fernandeshni qanoatlantirmagan.

Futbolchining amaldagi shartnomasi kelasi yil yozida yakuniga yetadi. Mish-mishlarga ko‘ra, Brunuga «Galatasaroy» ham qiziqish bildirmoqda.

Fernandesh «Manchester Yunayted» sardori hisoblanadi va 2020 yil yanvaridan buyon Manchester klubi sharafini himoya qilib kelmoqda.

O‘tgan mavsumda yarim himoyachi Premyer-ligada 21 ta golli uzatmani amalga oshirib, musobaqa rekordini o‘rnatdi.