"Liverpul"ning niderlandiyalik hujumchisi Kodi Gakpo hamon Londonning "Tottenxem" klubiga o‘tishi mumkin.

Jurnalist Ekrem Konurning ma’lum qilishicha, transfer amalga oshmay qolishi mumkinligi haqidagi xabarlarga qaramay, "shporlar" Gakponi o‘z safiga qo‘shib olish bo‘yicha ishlarni davom ettirmoqda. Futbolchining o‘zi ham "Tottenxem"ga o‘tishga ijobiy munosabatda, shu bois shaxsiy shartnoma shartlari borasida muammo yo‘q.

Manbaga ko‘ra, endi poytaxt klubi transfer summasi bo‘yicha "Liverpul" bilan kelishuvga erishishi kerak.

O‘tgan mavsumda 27 yoshli Gakpo barcha musobaqalar doirasida 52 ta o‘yinda maydonga tushib, 9 ta gol urdi va 6 ta golli uzatmani amalga oshirdi.

Transfermarkt portali ma’lumotiga ko‘ra, Kodi Gakponing bozor qiymati 60 million yevroni tashkil etadi.