Madridning "Atletiko" klubi Ispaniya chempionatining yangi mavsumini "Malaga" ustidan 2:0 hisobidagi g‘alaba bilan boshladi.
Ushbu uchrashuv madridliklarning sloveniyalik darvozaboni Yan Oblak uchun yubiley o‘yini bo‘ldi. 33 yoshli golkiper "Atletiko" safida Ispaniya chempionatidagi 400-uchrashuvini o‘tkazdi.
Oblak La Liga tarixida 400 ta o‘yin marrasiga yetgan 11-darvozabonga aylandi. Shu bilan birga, u bunday natijani qayd etgan ilk xorijlik golkiper bo‘ldi.
Eslatib o‘tamiz, Yan Oblak 2014 yildan buyon "Atletiko" sharafini himoya qilib kelmoqda. Ispaniyaga ko‘chib o‘tishidan avval u Portugaliyada to‘p tepgan. Darvozabon "Benfika"ga tegishli bo‘lgan, ammo Lissabon klubi asosiy tarkibida muntazam o‘yin amaliyotiga ega bo‘lmagan va faoliyatining ma’lum qismini ijara asosida boshqa jamoalarda o‘tkazgan.
