Мадриднинг "Атлетико" клуби Испания чемпионатининг янги мавсумини "Малага" устидан 2:0 ҳисобидаги ғалаба билан бошлади.
Ушбу учрашув мадридликларнинг словениялик дарвозабони Ян Облак учун юбилей ўйини бўлди. 33 ёшли голкипер "Атлетико" сафида Испания чемпионатидаги 400-учрашувини ўтказди.
Облак Ла Лига тарихида 400 та ўйин маррасига етган 11-дарвозабонга айланди. Шу билан бирга, у бундай натижани қайд этган илк хорижлик голкипер бўлди.
Эслатиб ўтамиз, Ян Облак 2014 йилдан буён "Атлетико" шарафини ҳимоя қилиб келмоқда. Испанияга кўчиб ўтишидан аввал у Португалияда тўп тепган. Дарвозабон "Бенфика"га тегишли бўлган, аммо Лиссабон клуби асосий таркибида мунтазам ўйин амалиётига эга бўлмаган ва фаолиятининг маълум қисмини ижара асосида бошқа жамоаларда ўтказган.
