"Barselona" bosh murabbiyi Xans-Diter Flik jamoani oson bo‘lmagan mavsum kutayotganini aytdi. Nemis mutaxassisi jahon chempionati sabab ayrim futbolchilar mavsumga tayyorgarlikni kech boshlaganini ta’kidladi.
"Bu mavsum oson bo‘lmaydi. Ayrim futbolchilar uchun mavsumoldi tayyorgarligi atigi bir hafta oldin boshlandi. Mavsumning dastlabki o‘yinlarida futbolchilarning o‘yin vaqtini to‘g‘ri taqsimlash va ularni optimal formaga olib kelishimiz kerak bo‘ladi", — deya Flikning so‘zlarini keltiradi Barca Universal.
La Liganing birinchi turida "Barselona" "Elche"ga qarshi maydonga tushadi. Uchrashuv 23 avgust, yakshanba kuni bo‘lib o‘tadi.
