"Barselona" sport direktori Deku yarim himoyachi Rodrining transferi haqidagi noodatiy savolga javob berdi.
— Rodrini faqat "Real"ning jahlini chiqarish uchun sotib oldingizmi?
— "Albatta, yo‘q. Raqobat bor, ammo boshqa klub futbolchini sotib olmasligi uchungina uni xarid qila olmaymiz. Bunday qilish xato bo‘lardi.
Rodri — dunyoning eng yaxshi futbolchilaridan biri. U jamoamizga nima bera olishini bilardik, shuning uchun uning transferi ustida ish boshladik.
Bir necha oy avval Rodri rejalarimizda yo‘q edi, chunki uni sotib olish imkoniyati paydo bo‘ladi, deb o‘ylamagan edik. Bunday imkoniyat paydo bo‘lishi bilanoq uni xarid qilishga qaror qildik", — deya Dekuning so‘zlarini keltiradi Barca Universal.
