"Manchester Siti" tarkibni yangilash jarayonida "Roma" yarim himoyachisi Manu Koneni transfer maqsadlari ro‘yxatiga kiritdi. Bu haqda Daily Mail xabar berdi.
25 yoshli fransuz Rodri va Tijani Reynders ketganidan so‘ng markaziy yarim himoyani kuchaytirish variantlaridan biri sifatida ko‘rilmoqda.
Kone so‘nggi ikki yildan buyon "Roma" safida to‘p tepmoqda. U A Seriyada 63 ta uchrashuv o‘tkazib, 4 ta gol urgan. Shuningdek, yarim himoyachi Fransiya terma jamoasi safida 19 ta o‘yinda maydonga tushgan. Kone harakatchanligi va to‘psiz o‘yindagi samaradorligi bilan ajralib turadi.
Manba ma’lumotiga ko‘ra, "Roma" Koneni taxminan 59 million yevroga sotishga tayyor. Avvalroq fransuz futbolchisiga "Manchester Yunayted" va "Chelsi" ham qiziqish bildirgan.
