OFKning bu yilgi klublar reytingida ochkolar qanday hisoblanishi haqida savollar bo‘lmoqda. Futbol mutaxassisi Alisher Nikimbayev bu haqda o‘z telegram kanalida to‘xtalib o‘tdi.
O‘zbekiston
"Neftchi" va "Paxtakor" OFK Chempionlar ligasi Elit turnirida ishtirok etadi. Ularning har bir g‘alabasi uchun 3 ochko, durang uchun esa 1 ochko beriladi. Guruhdan chiqish 3 ochko, keyingi har bir bosqichga chiqish esa 1,5 ochko keltiradi.
"Nasaf" OFK Chempionlar ligasi 2 turnirida ishtirok etadi va unda ham xuddi shu ochkolar tizimi amal qiladi.
Biroq Elit Chempionlar ligasida klublar o‘z mamlakatiga to‘liq ochko keltirsa, Chempionlar ligasi 2da 0,667 koeffisiyent qo‘llanadi. Ya’ni "Nasaf"ning g‘alabasi 2 ochko, durangi esa 0,667 ochkoga teng bo‘ladi.
Shundan so‘ng O‘zbekistonning barcha klublari to‘plagan ochkolar yig‘indisi 3 ga bo‘linadi.
Oddiy qilib aytganda, "Neftchi" va "Paxtakor"ning har bir g‘alabasi O‘zbekiston reytingiga 1 ochko, durangi esa 0,333 ochko qo‘shadi. "Nasaf"ning har bir g‘alabasi 0,667 ochko, durangi esa 0,222 ochko keltiradi.
Turkmaniston
"Arkadag" Chempionlar ligasi 2da ishtirok etadi va uning ochkolari "Nasaf"niki kabi hisoblanadi.
"Ahal" OFK Chellenj ligasida 0,5 koeffisiyent asosida ochko to‘playdi.
Turkmanistondan qit’a musobaqalarida faqat ikkita klub ishtirok etgani uchun to‘plangan ochkolar yig‘indisi 2 ga bo‘linadi.
Oddiy qilib aytganda, "Arkadag"ning har bir g‘alabasi Turkmanistonga 1 ochko, durangi 0,333 ochko keltiradi. "Ahal"ning har bir g‘alabasi esa mamlakat reytingiga 0,75 ochko, durangi 0,25 ochko qo‘shadi.
Tojikiston
OFK Chellenj ligasida ishtirok etadigan "Istiqlol" va "Regar-TadAZ" klublarining ochkolari "Ahal"niki kabi hisoblanadi.
