«Arsenal»ning sobiq futbolchisi Pol Merson London klubining bo‘lajak mavsumda Angliya chempionligi unvonini himoya qilish uchun imkoniyatlari juda yuqori deb hisoblaydi.

«Men «Arsenal»ni to‘xtatishga tayyor bo‘lgan jamoalarni ko‘rmayapman. Jamoa APLda ancha xotirjamlik bilan g‘alaba qozonadi. Ichki chempionatda ularning zaif tomonlarini ko‘rmayapman. Agar Chempionlar Ligasidagi o‘yinlar haqida gapiradigan bo‘lsak, bir nechta kamchiliklar bor», — deydi ekspert Sky Sports nashriga.

Mersonning so‘zlariga ko‘ra, hozirgi «Arsenal» unga «Manchester Siti»ning Angliya chempionatida hukmronlik qilgan davrlarini eslatmoqda. Ekspertning ta’kidlashicha, «kanonirlar» tarkibida har bir pozisiya uchun kamida ikki nafardan futbolchi mavjud.

Ertaga, 21 avgust kuni Mikel Arteta shogirdlari Angliya Premyer-ligasining 1-turida «Koventri»ga qarshi maydonga tushadi.