Turkiyaning «Galatasaroy» klubi Rossiyaning «Lokomotiv» klubi yarim himoyachisi Aleksey Batrakovning transferini rasman e’lon qildi. Futbolchi tibbiy ko‘rikdan o‘tganidan so‘ng darhol shartnoma imzolaydi.
Avvalroq OAVda transfer summasi 25 million yevroni tashkil etishi va yana 4 million yevro bonus sifatida ko‘zda tutilgani xabar qilingan edi. Batrakovning «Galatasaroy» bilan shartnomasi to‘rt yilga mo‘ljallanadi.
Batrakov Moskvaning «Lokomotiv» klubi akademiyasi tarbiyalanuvchisi hisoblanadi. U asosiy jamoa safida 84 ta o‘yin o‘tkazib, 34 ta gol urgan va 23 ta golli uzatmaga mualliflik qilgan.
