Туркиянинг «Галатасарой» клуби Россиянинг «Локомотив» клуби ярим ҳимоячиси Алексей Батраковнинг трансферини расман эълон қилди. Футболчи тиббий кўрикдан ўтганидан сўнг дарҳол шартнома имзолайди.
Аввалроқ ОАВда трансфер суммаси 25 миллион еврони ташкил этиши ва яна 4 миллион евро бонус сифатида кўзда тутилгани хабар қилинган эди. Батраковнинг «Галатасарой» билан шартномаси тўрт йилга мўлжалланади.
Батраков Москванинг «Локомотив» клуби академияси тарбияланувчиси ҳисобланади. У асосий жамоа сафида 84 та ўйин ўтказиб, 34 та гол урган ва 23 та голли узатмага муаллифлик қилган.
