Madridning «Real» klubiga yangi qo‘shilgan Yan Diomande Krishtianu Ronaldu uning futboldagi kumiri ekanini aytdi.
«Krishtianu Ronaldu — mening kumirim. Uning yurish-turishi, aurasi... Bir vaqtlar kumirim to‘p tepgan klubda hozir o‘zim o‘ynayotganimdan faxrlanaman», — deya Diomandening so‘zlarini keltiradi The Touchline.
Diomande avgust oyi boshida «RB Leypsig»dan «Real»ga o‘tdi. Madridliklar futbolchi uchun 125 million yevro to‘lashdi.
Shuningdek, shartnomada yana 15 million yevrogacha bonuslar ko‘zda tutilgan. Kot-d’Ivuarlik futbolchining «Real» bilan shartnomasi 2033 yil yoziga qadar amal qiladi.
