«Manchester Yunayted» bosh murabbiyi Maykl Karrik klubning yozgi transfer oynasidagi rejalari haqida gapirdi. Mutaxassis mankunianliklar tarkibni yanada kuchaytirish ustida ish olib borayotganini tasdiqladi.
«Qizil iblislar» 22 avgust kuni Angliya Premyer-ligasining yangi mavsumidagi ilk uchrashuvini «Xall Siti»ga qarshi o‘tkazadi. Shunga qaramay, klub transfer bozoridagi faoliyatini yakunlagani yo‘q.
«Biz tarkibni kuchaytirishga intilyapmiz. Albatta, bu yo‘nalishda ish olib boryapmiz. Transfer oynasi yopilgan paytda uning boshidagidan kuchliroq jamoaga ega bo‘lish uchun barcha imkoniyatlardan maksimal darajada foydalanishga harakat qilyapmiz. Hozircha ishlarimiz yaxshi ketmoqda», — dedi Kerrik. Uning so‘zlarini insayder Fabrisio Romano keltirdi.
O‘tgan mavsumda «Manchester Yunayted» Angliya Premyer-ligasini 3-o‘rinda yakunlagan.
