«Barselona» «Inter» hujumchisi Lautaro Martinesni o‘z safiga qo‘shib olishni istamoqda. Bu haqda El Chiringuito TV xabar berdi.

Manba ma’lumotiga ko‘ra, kataloniyaliklar 28 yoshli argentinalik futbolchi uchun ilk rasmiy taklifni tayyorlamoqda. Uning miqdori 100 million yevrodan oshmasligi kutilmoqda.

Lautaroning «Inter» bilan amaldagi shartnomasi 2029 yilga qadar mo‘ljallangan. Transfermarkt portali hujumchining bozor qiymatini 85 million yevroga baholamoqda.

Martines 2018 yildan buyon «Inter» sharafini himoya qilib kelmoqda. O‘tgan mavsumda u barcha musobaqalar doirasida 41 ta uchrashuvda maydonga tushib, 22 ta gol urdi va 6 ta golli uzatmani amalga oshirdi.