«Benfika» hujumchisi Evangelos Pavlidis yangi mavsumdagi sermahsul o‘yinlarini davom ettirmoqda.
27 yoshli grek futbolchisi Yevropa ligasi saralash pley-off bosqichida «Orxus»ga qarshi uchrashuvda penaltini aniq amalga oshirdi. «Benfika» mazkur bahsda 3:1 hisobida g‘alaba qozondi.
Avvalroq Pavlidis Portugaliya chempionatida «Kaza Piya»ga qarshi o‘yinda xet-trik qayd etgan, Yevropa ligasida esa «Sankt-Gallen» darvozasiga to‘rtta gol urgan edi.
Shu tariqa, Pavlidis joriy mavsumda o‘tkazgan 6 ta uchrashuvida 10 ta gol urishga muvaffaq bo‘ldi.
Bundan tashqari, grek hujumchisi 2 ta golli uzatmani ham amalga oshirgan.
