«Chelsi» bosh murabbiyi Xabi Alonso jamoa tarkibini shakllantirishda muvozanatga katta e’tibor qaratayotganini ta’kidladi. London klubi yozda tarkibda jiddiy o‘zgarishlarni amalga oshirdi.
«Men avval jamoani tashqaridan turib tahlil qildim. Keyin esa klub ichidagi insonlar va futbolchilar bilan suhbatlashib, ularga nima yetishmayotganini tushunishga harakat qildim. Men uchun barcha jihatlarda to‘g‘ri muvozanatni topish juda muhim.
Jismoniy imkoniyat, iste’dod va tajriba o‘rtasida, shuningdek, hali rivojlanishi kerak bo‘lgan yosh futbolchilar bilan shakllanib ulgurgan o‘yinchilar o‘rtasida muvozanat bo‘lishi lozim.
Hech narsa ideal bo‘lmaydi. Ammo hozir biz amalga oshirgan ishlar futbol nuqtai nazaridan mantiqiy bo‘lganini ko‘rib turibmiz. Menimcha, endi yangi loyihamiz uchun yaxshi boshlang‘ich nuqtaga egamiz», — dedi Alonso.
Xabi Alonso yangi mavsum oldidan «Chelsi»ni raqobatbardosh jamoaga aylantirish jarayonida tarkibdagi sifat, tajriba va jamoaviy muhitga alohida urg‘u berib kelmoqda.
