«Koventri Siti» bosh murabbiyi Frenk Lempard APLning 1-turi doirasida «Arsenal»ga qarshi kechadigan safar o‘yini oldidan o‘z fikrlari bilan o‘rtoqlashdi. O‘tgan mavsumda «Koventri» Chempionshipda g‘olib chiqqan bo‘lsa, «Arsenal» APL chempionligini qo‘lga kiritgan edi.

«Arsenal»ga qarshi o‘ynashimizni bilganimda: «Ha, albatta, hamishagidek-da», deb o‘yladim.

Ammo men bunga qarshi emasman. Juma oqshomida «Arsenal»ga qarshi bahs — butun dunyo bizni kuzatadi, shunday emasda? Bu mavsumni boshlash uchun ajoyib imkoniyat. Biz bu o‘yinda autsayder bo‘lamiz va bu meni umuman tashvishga solmaydi. Qaytaga, ma’lum ma’noda qo‘shimcha motivasiya beradi. «Arsenal»ga muxlislik qiladigan do‘stlarim bor. Ular stadionda bo‘lishadi va jamoalarining holatidan mamnun bo‘lishsa kerak. Lekin biz aynan shuning uchun bu yerdamiz, to‘g‘rimi? Biz shunchaki imkon qadar eng yaxshi tarzda tayyorgarlik ko‘rishga harakat qilyapmiz.

«Arsenal» bilan o‘yin darhol hammani vaziyatga real qarashga majbur qiladi. «Koventri» — «Arsenal» emas. Bu mavsumda jamoalarning vazifalari, maqsadlari va muvaffaqiyat me’yorlari mutlaqo boshqacha. «Koventri Siti» uchun ular keskin o‘zgardi. O‘tgan mavsumda maqsad Chempionship tituli edi. Endi esa — Premyer-ligadagi o‘rinni saqlab qolish», — deydi Lempard.