«Kristal Pelas»ning 22 yoshli markaziy yarim himoyachisi Adam Uortonga yozgi transfer oynasida «Manchester Siti», «Chelsi» va «Manchester Yunayted» kabi grand klublar tomonidan jiddiy qiziqish bildirilmoqda. Biroq «burgutlar» bosh murabbiyi Pyer Saj futbolchi kelayotgan mavsumda jamoada qolishini ta’kidladi.

«Biz allaqachon yirik o‘yinchilarga javob berdik va hozir buni davom ettiradigan vaqt emas deb o‘ylayman. Adam top-klubda o‘ynashga qodir, ammo biz bilan yana bir yil qolishi va yangi dinamika ostida to‘p surishi uning o‘zi uchun ham foydali bo‘ladi. U bizga kerak», — deydi Saj.

O‘tgan mavsumda angliyalik yarim himoyachi «Kristal Pelas» safida barcha turnirlarda 53 ta o‘yinda maydonga tushib, 1 ta gol urgan va 7 ta golli uzatmaga mualliflik qilgan. Transfermarkt portali ushbu futbolchining qiymatini 70 million yevroga baholamoqda.