Chempionshipda ishtirok etayotgan “Vest Hem” klubi rahbariyati joriy mavsumdagi ilk uy uchrashuvi oldidan o‘z muxlislarini Falastinga qarshi mazmundagi chorlovlar va qo‘shiqlarni kuylashni to‘xtatishga chaqirdi. Bu haqda Al Jazeera nashri xabar berdi.
20-avgust, payshanba kuni e’lon qilingan rasmiy bayonotda London klubi 1-tur doirasidagi “Byornli”ga qarshi safar bahsida ayrim muxlislar tomonidan “haqoratli va nifoq soluvchi” qo‘shiqlar kuylanganidan xabardor ekanini ma’lum qildi:
“Biz muxlislarimizni klubimiz hamda futbolchilarimizni baralla va g‘urur bilan qo‘llab-quvvatlashga undaymiz. Biroq bu boshqa ishqibozlar orasida nifoq keltirib chiqaradigan yoki kimnidir haqorat qiladigan shaklda bo‘lmasligi shart”, deyiladi klub bayonotida.
Ma’lumot o‘rnida, “Vest Xem” yozgi transferlar oynasi vaqtida“Tottenxem”dan isroillik vinger Manor Solomonni o‘z safiga qo‘shib olgan edi. Biroq futbolchining G‘azodagi urush fonida Isroilni ochiqchasiga qo‘llab-quvvatlashi jiddiy noroziliklarni yuzaga keltirib, jamoa muxlislarini ikkiga ajratib qo‘ydi.
