Чемпионшипда иштирок этаётган “Вест Ҳем” клуби раҳбарияти жорий мавсумдаги илк уй учрашуви олдидан ўз мухлисларини Фаластинга қарши мазмундаги чорловлар ва қўшиқларни куйлашни тўхтатишга чақирди. Бу ҳақда Al Jazeera нашри хабар берди.
20-август, пайшанба куни эълон қилинган расмий баёнотда Лондон клуби 1-тур доирасидаги “Бёрнли”га қарши сафар баҳсида айрим мухлислар томонидан “ҳақоратли ва нифоқ солувчи” қўшиқлар куйланганидан хабардор эканини маълум қилди:
“Биз мухлисларимизни клубимиз ҳамда футболчиларимизни баралла ва ғурур билан қўллаб-қувватлашга ундаймиз. Бироқ бу бошқа ишқибозлар орасида нифоқ келтириб чиқарадиган ёки кимнидир ҳақорат қиладиган шаклда бўлмаслиги шарт”, дейилади клуб баёнотида.
Маълумот ўрнида, “Вест Хэм” ёзги трансферлар ойнаси вақтида“Тоттенхэм”дан исроиллик вингер Манор Соломонни ўз сафига қўшиб олган эди. Бироқ футболчининг Ғазодаги уруш фонида Исроилни очиқчасига қўллаб-қувватлаши жиддий норозиликларни юзага келтириб, жамоа мухлисларини иккига ажратиб қўйди.
