"Aston Villa" joriy transfer oynasida "Chelsi" hujumchisi Nikolas Jeksonni o‘z safiga qo‘shib olishi mumkin.
The Telegraph ma’lumotiga ko‘ra, London klubi senegallik futbolchi bilan xayrlashishga tayyor va uning transferidan taxminan 65 million funt ishlab olishni rejalashtirmoqda. Jeksonga "Aston Villa" tomonidan qiziqish borligi boshqa manbalarda ham qayd etilgan.
Birmingemliklar bosh murabbiyi Unai Emeri Jekson bilan avval "Vilyarreal"da birga ishlagan. Futbolchining o‘zi ham ispaniyalik mutaxassis bilan yana birga ishlash imkoniyatini ko‘rib chiqishga tayyor.
Jeksonga Madridning "Atletiko" klubi ham qiziqish bildirmoqda. Biroq ispan klubi hujumchini ijaraga olish variantini ma’qul ko‘rmoqda. "Chelsi" esa hozircha futbolchini to‘liq sotishdan manfaatdor. Jeksonning kelajagi noaniq bo‘lib, u ayni paytda "Chelsi"ning asosiy jamoasidan alohida mashg‘ulot o‘tayotgan futbolchilar qatorida.
