Fransiya Liga 1ning 2026/27 yilgi mavsumi 1-turidan o‘rin olgan bahsda «Marsel» o‘z maydonida «Strasburg»ni qabul qildi va raqibga hech qanday imkoniyat qoldirmasdan 4:0 hisobida zafar kuchdi.
Birinchi bo‘limda provansalliklar katta tashabbusga ega bo‘lishganiga qaramay, bundan naf chiqara olishmadi. Hisob ikkinchi bo‘lim boshidayoq ochildi — Eyndjel Gomesning uzatmasidan so‘ng Amin Guiri mehmonlar darvozasini ishg‘ol etdi.
59-daqiqada «Strasburg» a’zosi Samir El-Murabet qizil kartochka olib, maydonni tark etgach, mezbonlar hujumkorlikni yanada oshirishdi. 68-daqiqada Guiri penaltini aniq amalga oshirib, dublni rasmiylashtirdi. O‘yin yakuniga qadar Keylian Abdalla va Pyer-Emil Xyoybyerg ham o‘z gollari bilan oradagi farqni yirik ko‘rinishga olib keldi.
