"Barselona" "Atletiko" hujumchisi Xulian Alvaresni o‘z safiga qo‘shib olish imkoniyatini deyarli yo‘qotdi. Madrid klubi argentinalik futbolchini kataloniyaliklarga sotish niyatida emas. So‘nggi xabarlar ham "Atletiko"ning bu boradagi pozisiyasi qat’iyligicha qolayotganini ko‘rsatmoqda.
Taniqli jurnalist Jerar Romeroning fikricha, transfer amalga oshishi ehtimoli nihoyatda past.
"Agar mendan so‘rasangiz, Alvaresni sotib olish juda va juda qiyin bo‘ladi. Uning "Barselona"ga o‘tish ehtimolini 0,5 foizga baholagan bo‘lardim", — dedi Romero.
Alvaresning o‘zi "Barselona"ga o‘tishni xohlamoqda. Biroq "Atletiko" uni La Ligadagi raqibiga sotishga qarshi.
