"Tottenxem" "Monako" va AQSH terma jamoasi hujumchisi Folarin Balogun uchun kurashga qo‘shildi. 25 yoshli futbolchiga "Aston Villa" va "Barselona" ham qiziqish bildirmoqda.

L'Equipe ma’lumotiga ko‘ra, "Monako" munosib taklif tushsa, Balogunni sotishga qarshi emas. Hujumchining bozor qiymati 50 million yevroga baholanmoqda.

Balogun "Monako" safida jami 91 ta uchrashuv o‘tkazib, 31 ta gol urgan va 13 ta golli uzatma bergan. U JCH-2026da AQSH terma jamoasi safida 4 ta o‘yinda 3 ta gol kiritgan.

Mundialda Balogun bilan bog‘liq katta mojaro ham yuz bergandi. U Bosniya va Gersegovinaga qarshi bahsda maydondan chetlatilib, Belgiyaga qarshi 1/8 final o‘yinini o‘tkazib yuborishi kerak edi. Manbada ta’kidlanishicha, AQSH prezidenti Donald Tramp FIFA rahbari Janni Infantinoga murojaat qilganidan keyin futbolchining diskvalifikasiyasi bekor qilingan.