"Тоттенхэм" "Монако" ва АҚШ терма жамоаси ҳужумчиси Фоларин Балогун учун курашга қўшилди. 25 ёшли футболчига "Астон Вилла" ва "Барселона" ҳам қизиқиш билдирмоқда.

L'Equipe маълумотига кўра, "Монако" муносиб таклиф тушса, Балогунни сотишга қарши эмас. Ҳужумчининг бозор қиймати 50 миллион еврога баҳоланмоқда.

Балогун "Монако" сафида жами 91 та учрашув ўтказиб, 31 та гол урган ва 13 та голли узатма берган. У ЖЧ-2026да АҚШ терма жамоаси сафида 4 та ўйинда 3 та гол киритган.

Мундиалда Балогун билан боғлиқ катта можаро ҳам юз берганди. У Босния ва Герцеговинага қарши баҳсда майдондан четлатилиб, Бельгияга қарши 1/8 финал ўйинини ўтказиб юбориши керак эди. Манбада таъкидланишича, АҚШ президенти Дональд Трамп ФИФА раҳбари Жанни Инфантинога мурожаат қилганидан кейин футболчининг дисквалификацияси бекор қилинган.