«Barselona» bosh murabbiyi Xans-Diter Flik La Liganing 2-turidan o‘rin olgan «Elche»ga qarshi uchrashuv oldidan jamoa tarkibini tanlash va futbolchilarning o‘yin vaqtini taqsimlash masalasi haqida fikr bildirdi.

Nemis mutaxassisining ta’kidlashicha, Jahon chempionatida ishtirok etgan futbolchilar mavsum boshida to‘liq 90 daqiqa harakat qilishmaydi.

«Albatta, jamoada o‘yin vaqtini to‘g‘ri taqsimlashimiz kerak. Jahon chempionatida qatnashgan futbolchilar hozircha 90 daqiqadan o‘ynamaydi — bu tabiiy holat. Ammo ular ma’lum vaqt maydonda harakat qilishadi.

Bu oson emas. Lekin hech qanday bahona bo‘lishi mumkin emas. Bu mavsum boshidagi ilk o‘yinlardan biri va mavsumni yuqori kayfiyatda boshlash uchun g‘alaba qozonishimiz kerak.

Bu oson bo‘lmaydi. «Elche» to‘p bilan yaxshi muomala qila oladi. Ular to‘pni tezda qaytarib olishga harakat qiladi va keyin uni nazoratda ushlab turadi. Bizning maqsadimiz — uch ochko», — dedi Flik.