«Atletiko» bosh murabbiyi Diyego Simeone La Liganing «Vilyarreal»ga qarshi navbatdagi uchrashuvi oldidan futbolchilariga qat’iy talab qo‘ydi.

Argentinalik mutaxassis Jahon chempionati sabab mavsumoldi tayyorgarlik jarayoni bir maromda o‘tmaganini ta’kidladi. Shu bois murabbiylar shtabi futbolchilarning nafaqat jismoniy, balki ruhiy holatini ham to‘g‘ri boshqarishiga to‘g‘ri kelmoqda.

Simeonening fikricha, bunday vaziyatda jamoani alohida futbolchilarning individual mahorati emas, balki jamoaviy kuch va maksimal darajadagi mehnat qutqaradi.

«Bizning jamoamiz individual iqtidorlarga tayanib qurilmagan. Biz jamoaviy kuchga va 120 foiz kuch bilan harakat qilishga tayanamiz.

Biz uchun 100 foiz kuch bilan o‘ynashning o‘zi yetarli emas», — dedi Simeone.

«Atletiko» ustozi mavsum boshida tarkib tanlashda futbolchilarning ta’tildan qachon qaytgani va ularning tayyorgarlik darajasi muhim ahamiyat kasb etayotganini ham qayd etdi. Xususan, Kristian «Kuti» Romero endigina jamoaviy mashg‘ulotlarga to‘liq qo‘shilishni boshlagan.

Simeone «Vilyarreal»ga qarshi bahsda muxlislarning qo‘llab-quvvatlashi va jamoaning yuqori intensivlikda harakat qilishi hal qiluvchi ahamiyatga ega bo‘lishini ta’kidladi. Argentinalik mutaxassis xavfli raqibni yengish uchun jamoadan maksimal kuch talab qilmoqda.