«Tottenxem» Premyer-liganing yangi mavsumini muvaffaqiyatsiz boshlab, «Brentford»ga 0:3 hisobida yirik mag‘lubiyatga uchradi.

Squawka ma’lumotiga ko‘ra, bu «shporlar»ning 2024/2025 yilgi mavsum boshidan buyon APLdagi 40-mag‘lubiyati bo‘ldi. Bu barcha jamoalar orasidagi ikkinchi eng yomon ko‘rsatkichdir.

Mazkur davrda faqat «Vulverxempton» ko‘proq — 44 marta mag‘lubiyatga uchragan. Biroq «bo‘rilar» joriy mavsumni Chempionshipda o‘tkazmoqda. Shu sababli Roberto De Zerbi jamoasi yaqin vaqt ichida ushbu noxush reytingda yakka peshqadamga aylanib qolishi mumkin.

Taqqoslash uchun, «Arsenal» xuddi shu davr mobaynida bor-yo‘g‘i to‘qqizta mag‘lubiyat qabul qilib olgan.

«Tottenxem» 26 avgust kuni Angliya Liga kubogi doirasida «Charlton» bilan uchrashadi. Oradan uch kun o‘tib, jamoa Premyer-liganing 2-turida o‘z maydonida «Nyukasl»ni qabul qiladi.