«Тоттенхэм» Премьер-лиганинг янги мавсумини муваффақиятсиз бошлаб, «Брентфорд»га 0:3 ҳисобида йирик мағлубиятга учради.
Squawka маълумотига кўра, бу «шпорлар»нинг 2024/2025 йилги мавсум бошидан буён АПЛдаги 40-мағлубияти бўлди. Бу барча жамоалар орасидаги иккинчи энг ёмон кўрсаткичдир.
Мазкур даврда фақат «Вулверхэмптон» кўпроқ — 44 марта мағлубиятга учраган. Бироқ «бўрилар» жорий мавсумни Чемпионшипда ўтказмоқда. Шу сабабли Роберто Де Зерби жамоаси яқин вақт ичида ушбу нохуш рейтингда якка пешқадамга айланиб қолиши мумкин.
Таққослаш учун, «Арсенал» худди шу давр мобайнида бор-йўғи тўққизта мағлубият қабул қилиб олган.
«Тоттенхэм» 26 август куни Англия Лига кубоги доирасида «Чарльтон» билан учрашади. Орадан уч кун ўтиб, жамоа Премьер-лиганинг 2-турида ўз майдонида «Ньюкасл»ни қабул қилади.
