O‘tmishda Italiyaning turli klublari safida harakat qilgan argentinalik tajribali hujumchi Mauro Sarate vataniga qaytib, «Veles» bilan shartnoma imzoladi. Ayni paytda futbolchi 39 yoshda.
ESPN ma’lumotiga ko‘ra, Sarate o‘ziga juda yaxshi tanish bo‘lgan klubga qaytdi. U avval «Veles» safida ikki xil davrda jami olti yil to‘p tepgan.
«Muxlislar guruhidagi juda yaxshi taniydigan yigitlarimdan biri men bilan salomlashdi. U meni uyga qaytganim bilan tabrikladi. Bu so‘zlar menga juda qattiq ta’sir qildi», — dedi Sarate vataniga qaytgach, aeroportdagi dastlabki daqiqalari haqida.
Eslatib o‘tamiz, Saratening «Veles»gacha bo‘lgan so‘nggi klubi Italiyaning «Kozensa» jamoasi edi. U mazkur klub safida 2023 yilda o‘ynagan.
