«Bavariya» yangi mavsumni Germaniya Superkubogi uchun kechgan bahsda Dortmundning «Borussiya» klubi ustidan qozonilgan 2:1 hisobidagi g‘alaba bilan boshladi.

28-daqiqada Nataniel Braun hisobni ochdi. 45-daqiqada Maykl Olise Vensan Kompani jamoasining ustunligini oshirdi.

75-daqiqada Fabiu Silva dortmundliklarning bir goliga javob qaytardi. Biroq «Borussiya» mag‘lubiyatdan qutulib qola olmadi.

«Mavsum boshidagi muhim g‘alaba. Uchrashuv taqdirini ancha oldin hal qilishimiz mumkin edi, ammo 2:0 hisobida ustunlik qilayotganimizga qaramay, buni uddalay olmadik.

2:0 — xavfli hisob. Bitta gol o‘tkazib yuborishning o‘zi vaziyatni keskinlashtirish uchun yetarli. Aynan shunday bo‘ldi.

Shunga qaramay, yakunda ustunlikni saqlab qolganimiz va g‘alaba qozonganimizdan xursandmiz», — deya «Bavariya» hujumchisi Xarri Keynning so‘zlarini Bayern & Germany keltirdi.

Myunxenliklar o‘tgan mavsumda ichki musobaqalardagi barcha sovrinlarni qo‘lga kiritgandi.