«Бавария» янги мавсумни Германия Суперкубоги учун кечган баҳсда Дортмунднинг «Боруссия» клуби устидан қозонилган 2:1 ҳисобидаги ғалаба билан бошлади.

28-дақиқада Натаниэль Браун ҳисобни очди. 45-дақиқада Майкл Олисе Венсан Компани жамоасининг устунлигини оширди.

75-дақиқада Фабиу Силва дортмундликларнинг бир голига жавоб қайтарди. Бироқ «Боруссия» мағлубиятдан қутулиб қола олмади.

«Мавсум бошидаги муҳим ғалаба. Учрашув тақдирини анча олдин ҳал қилишимиз мумкин эди, аммо 2:0 ҳисобида устунлик қилаётганимизга қарамай, буни уддалай олмадик.

2:0 — хавфли ҳисоб. Битта гол ўтказиб юборишнинг ўзи вазиятни кескинлаштириш учун етарли. Айнан шундай бўлди.

Шунга қарамай, якунда устунликни сақлаб қолганимиз ва ғалаба қозонганимиздан хурсандмиз», — дея «Бавария» ҳужумчиси Харри Кейннинг сўзларини Bayern & Germany келтирди.

Мюнхенликлар ўтган мавсумда ички мусобақалардаги барча совринларни қўлга киритганди.