«Bavariya» yarim himoyachisi Yozua Kimmix Jamal Musialaning salomatligi bilan bog‘liq muammolar haqidagi savolga javob berdi.

Shanba kuni myunxenliklar Germaniya Superkubogi doirasida Dortmundning «Borussiya» klubini 2:1 hisobida mag‘lub etdi. Musiala ushbu uchrashuvni o‘tkazib yubordi. U yaqinda «RB Leypsig» va «Haydenhaym»ga qarshi kechgan ikkita o‘rtoqlik bahsida hushini yo‘qotgandi.

«Bu g‘alaba Jamal uchun ham. U tez orada safga qaytishiga umid qilamiz. Musiala «Bavariya» va butun Germaniya uchun juda muhim futbolchi.

Uning nimalarga qodir ekanini yaxshi bilamiz va tezroq qaytishini kutyapmiz. Jamoadagi barcha uni qo‘llab-quvvatlamoqda», — deya Kimmixning so‘zlarini Bayern & Germany keltirdi.

Avvalroq Jamal Musiala Bundesliganing 1-turida «Shtutgart»ga qarshi o‘yin uchun «Bavariya» qaydnomasiga kiritilishi xabar qilingandi.