"Manchester Siti" futbolchisi Niko O’Rayli jamoaning yangi bosh murabbiyi Enso Mareska qo‘l ostidagi faoliyati haqida fikr bildirdi.

Italiyalik mutaxassis joriy yozda "shaharliklar"ni o‘n yil boshqargan Xosep Gvardiola o‘rnini egalladi.

"Biz mavsum boshlanishini intiqlik bilan kutyapmiz. Mareska — ajoyib murabbiy. Uning o‘z falsafasi bor, biz uni o‘rganyapmiz, asta-sekin moslashib, g‘oyalariga ko‘nikib boryapmiz. Bunday klubda bosim doimo juda yuqori bo‘ladi, chunki bu yerda sendan barcha musobaqalarda g‘alaba qozonish talab qilinadi. Ammo bu menga yoqadi — kamrog‘iga qanoat qilishni yoqtirmayman", — deya O’Raylining so‘zlarini keltiradi "Manchester Siti" matbuot xizmati.

Bugun Enso Mareska shogirdlari Angliya Premyer-ligasining birinchi turida o‘z maydonida "Bornmut"ni qabul qiladi.

Uchrashuv Toshkent vaqti bilan soat 18:00 da boshlanadi.