"Roma" "Fenerbaxche" himoyachisi Jayden Ostervolde transferi bo‘yicha og‘zaki kelishuvga erishdi. Bu haqda insayder Fabrisio Romano xabar berdi.
Manba ma’lumotiga ko‘ra, klublar 25 yoshli niderlandiyalik futbolchini ijaraga berish bo‘yicha kelishib olgan. Bitimda Ostervoldeni taxminan 18 million yevroga sotib olish huquqi ham ko‘zda tutilgan. Muayyan shartlar bajarilgan taqdirda, bu band majburiy xaridga aylanishi mumkin.
Ostervolde 2023 yil yanvaridan buyon "Fenerbaxche" sharafini himoya qilib kelmoqda. Uning Turkiya klubi bilan amaldagi shartnomasi 2028 yilning 30 iyuniga qadar mo‘ljallangan.
Himoyachi 2025/26 yilgi mavsumda barcha musobaqalar doirasida 47 ta uchrashuvda maydonga tushib, 1 ta gol urdi va 1 ta golli uzatmani amalga oshirdi.
Transfermarkt portali Ostervoldening transfer qiymatini 20 million yevroga baholamoqda.
