"Рома" "Фенербахче" ҳимоячиси Жайден Остерволде трансфери бўйича оғзаки келишувга эришди. Бу ҳақда инсайдер Фабрицио Романо хабар берди.
Манба маълумотига кўра, клублар 25 ёшли нидерландиялик футболчини ижарага бериш бўйича келишиб олган. Битимда Остерволдени тахминан 18 миллион еврога сотиб олиш ҳуқуқи ҳам кўзда тутилган. Муайян шартлар бажарилган тақдирда, бу банд мажбурий харидга айланиши мумкин.
Остерволде 2023 йил январидан буён "Фенербахче" шарафини ҳимоя қилиб келмоқда. Унинг Туркия клуби билан амалдаги шартномаси 2028 йилнинг 30 июнига қадар мўлжалланган.
Ҳимоячи 2025/26 йилги мавсумда барча мусобақалар доирасида 47 та учрашувда майдонга тушиб, 1 та гол урди ва 1 та голли узатмани амалга оширди.
Transfermarkt портали Остерволденинг трансфер қийматини 20 миллион еврога баҳоламоқда.
