«Yuventus» bosh murabbiyi Luchano Spalletti turkiyalik hujumchi Kenan Yildizning Londonning «Arsenal» klubiga ehtimoliy transferi haqidagi xabarlarga munosabat bildirdi.

Italiyalik mutaxassis o‘z shogirdi atrofidagi mish-mishlarga katta ahamiyat bermadi. Spallettining so‘zlariga ko‘ra, Yildiz hozircha «Yuventus» futbolchisi bo‘lib qolmoqda va murabbiy yangi mavsumda unga ishonch bildirmoqda.

«Boshqa klublar o‘zlari istagan takliflarni berishaversin. Men uchun eng muhimi — Kenan hozir «Yuventus» futbolchisi va men uning bizda o‘ynashda davom etishini xohlayman. Uning keyingi faoliyati klub uchun katta ahamiyatga ega», — dedi Spalletti.

Avvalroq «Arsenal» 20 yoshli turkiyalik hujumchi uchun taxminan 100 million yevro taklif qilishga tayyor ekani xabar qilingandi.

O‘tgan mavsumda Yildiz Italiya chempionatida 36 ta uchrashuv o‘tkazib, 10 ta gol urdi va 6 ta golli uzatmani amalga oshirdi.